Vandaag moge de kinjer ’t lètste deurke van de adventsklender aopemake! Noe höbbe veur neet zo’ne klender, mer zoeëas geur zeet waal ’n kleine verrassing! Want vandaag prissentere veur uch de nieje Opsjtaeker veur 2022, dae deze kier is óntworpe door Luuk Geerlings!

’t Idee d’rachter is det Beesel, de draak, de vastelaovend mot vashaje, d’r veur mot wèrke, ’t besjerme en veural d’r van mot genete. Idder op zien eige maneer. Dit prachtige collectorsitem gaon veur volgend jaor verkoupe, maar daoeuver later mier.

Veur noe winse veur uch hiele sjoeëne fieësdaag en ‘ne goeje roetsj nao ’t nieje jaor. Mer baovenal: blief gezóndj. En veur de óngernummers in ós dörp: haaj gooje mood!