Aanmelje veur de jeugraod
Wilse ouch kómmend jaor in de jeugraod? Gaef dich den noe alvas op!!!
Waat mósse noe al weite?
De jeugraod besjteit oet jónges en maedjes die in Beesel woeëne en zien gebaore in 2011, 2012 of 2013! Veur wille uch noe al wieze op ’t feit det d’r ’n eige biedrage is verbónje aan deilname aan de jeugraod. Daoveur kriese tiedes alle activiteite wao de jeugraod aan deilnump te aete en te drinke en ’t groeëtste deil van de uniforme van ós in broeklieën.
Wie kènse dich opgaeve?
Det kèn door ’n mailtje te sjture nao ’t volgende mailadres: jeugcarnaval@cvdedrake.nl.
In dae e-mail mót diene naam, dien adres, tillefoonnummer en gebaortedatum sjtaon.
Wie geit ’t den wieër?
Veur numme den vanzelf mit dich weer contac op as veur mit de veurbereidinge veur ’t nieje sezoeën gaon beginne. Bie voldoende opgaves waere d’r verder gèn oprope geplaats. Höbse noe al vraoge of wilse nag get angers weite? Num den gerös contac op via jeugcarnaval@cvdedrake.nl.