Naodet ós aafgeloupe vastelaovessezoeën neet door kós gaon, zin veur noe alvas weer aan de sjlaag gegaon veur ’t nieje sezoeën. Hieveur zin veur op zeuk nao ‘ne enthausiaste groep jeug, dae kómmend sezoeën same mit häöre eige jeugprins(es) veurop wilt gaon in de haopelik weer ‘normale’ Beeselse vastelaovend! 

Óm de jeug dae eigelik dit jaor jeugraod haaj kènne zin neet in de kaaj te laote sjtaon, krieg deze groep kómmend jaor asnog de kans ‘ne ónvergaetelikke vastelaovend te belaeve! Dus: zoots doe in ’t sjoeëljaor 2018/2019 in de sjoeëlverlaotersklas? 
Den zin veur op zeuk nao dich!

Binnekort vinjt d’r ‘ne informatieaovend plaats, wao de jeug en elders alle ins en outs te huuëre kriege euver waat de jeugraod noe eigelik allemaol inhèlt. Höbs doe interesse óm kómmende vastelaovend mit te doon? Mail den nao jeugcarnaval@cvdedrake.nl 

Haaj de social media in de gate om op de huuëgte te blieve!