Maondig 24 november kòmme jonges en maedjes van de jeugraod weer bie ùch aan de deur veur de jaorlikse thieëleechskes-aksie. Mit ’t koupe van dees thieëleechskes sjteunt geur de Beeselse jeugvastelaovend. Door leech te koupe, laot geur de jeugcarnaval dus neet in ’t duuster sjtaon!

De leechskes waere in pakketjes van 15 sjtök verkòch veur ’t sjappelikke bedraag van sjlechs € 2,50 . As geur 3 pakketjes koup, den betaalt geur zelfs mer 6 euro. Dus… as geur de Beeselse jeugcarnaval auch wilt sjteune, vergaet den neet om op 24 november ’n paar thieëleechskes te koupe!