Eline I (van den Heuvel) oetgerope as jeugprinses van de Drake

’t Jeugduo besjteit dit jaor oet jeugprinses Eline I (van den Heuvel) en adjuant Lieke (Crins)! Ze höbbe d’r hiel väöl zin in óm same mit alle Drakinne en Drake te gaon fieëste ónger häör motto:

Eline en Lieke zien allebei 13 jaor en zitte same op korfbal en op JongNederland. Waal zitte ze op versjillende sjoeële: prinses Eline zit op 2 havo/vwo op BC Broekhin in Remunj, terwiel adjudant Lieke in de brökklas zit op ’t Grescollege oppe Ruiver.

Allebei kómme ze oet ’n echte vastelaovesfemilie: prines Eline is de dochter van Betty en Leon van den Heuvel. Zien broor Jorn zoot veurig jaor in de jeugraod, same mit Sanne, de zus van adjudant Lieke. Lieke is de dochter van Wendy Brouwer en Ron Crins, dae ouch al jaore bie de Raod van 11 is. Vastelaovend zit häör dus in ’t blood!

Ze höbbe same good naogedach euver häöre sjpreuk. Want ze gaon dit same doon! As duo, mer ouch same mit de jeugraod én same mit alle Draekskes en Drakinnekes van Beesel!

De receptie van jeugprinses Eline I vinjt plaats op zónjig 16 fibberwari vanaaf 15.00 oer in aetkefee de Troubadour. De jeug wilt d’r gaer ’n fieësje van make, dus leefs neet te väöl toesjprake, mer lekker same gaas gaeve!

DeIl dit berich