De opsjtaeker 2024 is óntworpe door aad-jeugprins Juul Janissen. Al woeënt hae taegewaordig neet in Beesel, hae is toch mit de vasteloavesdaag altied hiej te vinje! Juul is bie ’t óntwerpe op zeuk gegange nao ’n beeldende taal die de jóngere generatie aansjprik, mer de ajere garde zeker neet links leut ligke.

Qua vorm wooj hae get doon mit waat de draak veur ‘m en ós beteikent. Dae draak zit in dien (vastelaoves)hert en kriegse neet mier d’r oet. 

“’t Maak neet oet of desse noe op vakantie of aan de angere kantj van de waereld bös, of woeëns in Antwerpe of in Hors. Beesel, de miense, femilie en vrunj, en daomit de draak, is toch altied thoeskómme, dao verlangse nao. En ich dink det dit neet allein veur mich geldt, mer veur idderein dae drakeblood door ’t hert haet sjtruime”, aldus Juul.

Veur zin óntzettend grueëts op ózze draak en op dit prachtige óntwerp. Dankjewel Juul!

Deze opsjtaeker is vanaaf 6 jannewari tiedes de vastelaovesaktiviteite te koup bie de leje van de raod van ellef veur € 4,50. As d’r nog euver zien, waere ze zaoterdig 3 fibberwari verkóch tiedes de verkoup van ós vastelaovesgezet. OP = OP!