Tiedes ’t Boerebal zin Svenja Geraets en Martin Simons oetgerope toet boerebroedspaar 2023! Ze zin allebei lid van Jong Nederland en kómme oet echte vastelaovesfemilies. Martin ziene pap waas ouch oeëts broedegom bie de Boerebroelof, net as zien naef Twan, dae in 2020 de lètste boerebroedegom waas mit zien vrouw Ellen as boerebroed. Ouch de eljers van svenja zin al ‘ns boerebroedspaar gewaes; Svenja moogde toen broedsmaedje zin. 

Martin en Svenja wille d’r op vastelaoveszónjig ’n geweldig fieës van make as zie in de ónech waere verbónje tiedes de Boerebroelof bie de Troubadour. ’t Begint óm 16.00 oer, mit ’n optraeje van de Party Kryner.