Daagbook van de nieje Prins (deil 5)

Leef daagbook,

Hie bön ich den nog eine kier as ónbekènde Beeselnaer. ‘t Is den ouch mien lètste sjtök in dit daagbook. Ich höb al 451 daag kènne sjtrepe toet ‘t oetrope en ‘t zien d’r noe nog mer 7 toet det veur kènne gaon beginne! En ich sjpraek den ouch neet allein veur michzelf as ich sjrief det veur lang genóg gewach höbbe.

Nao aafgeloupe weekend kènne veur zègke det de vastelaovend in Beesel al begós is… Want de Bacchusklup is al los. In ‘ne aafgelaje zaal is Bacchus Oetje oetgerope as jubileum-Bacchus. Via deze waeg wille veur Jeroen, Sten en Jim den ouch van herte felicitere. Veur vinje ‘t fantastisch det veur same mit uch dit jaor de Beeselse vastelaovend veur moge gaon.

Der waert flink gesjteuk in ‘t dörp en waat is ‘t sjoeën óm te huuëre en te zeen wie geur dao in mitgaot! Veur höbbe al hiel get name veurbie huuëre kómme en noe is ‘t nog ein waek veurdet veur oetkómme. Den kómme veur ouch mer get gaer ónger dae draak oet óm same mit gans Beesel d’r ‘ne fantastische vastelaovend van te make.

Toet sjlot wil ich gaer (bienao aad) prins Tim I en adjudant Luuk bedanke. Nao ‘n fantastisch jaor in 2020 höbbe zie ouch in de coronajaore altied klaorgesjtaon veur de vastelaovend. Zie höbbe d’r mede veur gezorg det ‘t Beesels vastelaoveshert bleef kloppe. Det höbbe zie good gefix!

De volgende kier det geur van mich huuërt, zal via de speakers zien as veur op de bühne sjtaon bie de Troubadour. Ich haop uch dao den ouch te zeen tiedes de Nach van de Prins. 

De nieje Drakeprins

DeIl dit berich

Share on facebook
Share on twitter
Share on linkedin
Share on pinterest
Share on print
Share on email