Net as veurig jaor kèn vanwaege de coronamaotregele de Beeselse wanjelveerdaagse dit jaor helaas neet doorgaon. De veerdaagse sjting eigelik geplend veur 15 t/m 18 juni.
Volges ’t äöpeningsplan van ’t kabinet moge d’r zeker toet woensdig 16 juni gèn evenemente gehaje waere. Daobie is ’t nog mer de vraog of ’t vanaaf dae datum waal weer meugelik is. Óm ’t zekere veur ’t ónzekere te numme haet ’t besjtuur van de Sjtichting Wanjelveerdaagse Beesel in euverlègk mit de gemeinte besjlaote óm de veerdaagse neet de organisere. De veiligheid en gezóndjheid van de deilnummers sjteit immers altied veurop!
De 27e Beeselse wanjelveerdaagse is volgend jaor van dinsdig 14 t/m vriedig 17 juni. Haopelik is taege dae tied alles weer bie ’t aje, zoeëdet wanjelleefhöbbers d’r den weer gezellig op oet kènne trèkke.
