Tiedes de Rosenmontag gaon veur ‘ns kieke wie ’t in Beesel is gesjtèld mit de échte ‘männer’! Mer missjien zin d’r ouch waal ’n paar ‘mädel’ die wille laote zeen waat ze in hoeës höbbe! Tiedes ’t ieërste Beeselse Meisterschaft Holzhackerbuam mótte teams (besjtaonde oet twieë persoeëne) zoeë sjnel meugelik ‘ne boum doorzaege.
Gèn insjriefgeld neudig, mer waal effe van teveure insjrieve via ’n mailtje nao info@cvdedrake.nl. Zèt dao effe dudelik de name en laeftieje van de deilnummers in (minimumlaeftied 16 jaor). Insjrieve kèn toet oeterlik vriedig 21 fibberwari. Dus laote kómme die krachpatsers!
De prieze:
· 1e pries: 2 halve liters
· 2e pries: 2 pils
· 3e pries: 2 kleine drenkskes
PS: Neet zoeë bedreve in ’t zaege van buim? Den kènt geur aevegood nag winne dae middig! Want tiedes de Rosenmontage rope veur ouch nag de bès verkleide man en vrouw oet as ‘Heisser Heino’ en ‘Hübsche Heidi’!
