Gistermiddig höbbe veur tiedes de receptie van jeugprins Thijmen I en adjudant Tren, ’t Bartje oetgereik aan Michelle Fiddelers. Dit beeldje, gemaak door keramiste Francine Kessels, waert gegaeve aan persoeëne die ’n boeëtegewoeëne biedrage levere, of höbbe geleverd, aan ’t organisere van ’t laote sjlage van de Beeselse jeugvastelaovend. Zoeë ouch Michelle, det al vanaaf 2006 betrókke is bie de jeugvastelaovend en altied mit väöl enthousiasme veur de jeug aan de sjlaag geit. D’r hoof ‘m mer get gevraog te waere en Michelle pak ‘t op en regelt ‘t! Beniejd waem in ’t verleje nag mieër ’n Bartje haet óntvange?
