Bèste Drakinne en Drake,

’t Vastelaovessezoeën is geäöpend en de nieje Drakeprins haet veur de ieërste kier van zich laote huuëre! As vors kèn ich uch vertèlle det geur al good bezig ziet mit ’t prinsraoje. Ouch de naam van de nieje Drakeprins is geneumd en sjteit d’r dus tösse!

Vanaaf noe kèn d’r allein gesjtump waere op de name die al geneumd zien. Waekeliks publicere v’r hie ‘ne tössesjtandj. En natuurlik waere d’r aaf en toe ouch get name gesjtreep. Örges midde december make veur de lètste 11 prinskandidate bekènd.

’t Sjpel kèn gesjpeeld waere en v’r kènne ós langzaam klaormake veur de Nach van de Prins. Laot uch sjtum huuëre en maak kans op consumptiebonne veur de vastelaovend! 

Alaaf,

Vors Mark