Vandaag höbbe veur ‘t ieërste exemplaar van de nieje opsjtaeker oetgereik aan ontwerper Stan Linssen

As oetgangspuntj veur de opsjteaker haet Stan ein van zien kunswerke euver de draak en de optoch genaome. Inspiratiebron veur det beeld in klei waas de draak, zoeë wie dae jaore truuk tiedes ’t Draaksjtaeke aangedreve waerde door ‘ne tractor en besjtuurd waerde door miense in ziene boeëk. De draak haet rajer aan de boeëtekantj gekrege en waert baovenop door emes besjtuurd.

Bie de nieje opsjtaeker is det emes mit ’n prinsemöts op. Det Stan 33 jaor in Tegele (det kèn gebeure) as lid van De Zoezers mit de vastelaovesoptoch mittrók, waovan 22 jaor mit ‘ne groeëte wage, haet dao zeker geit mit te make.

Stan: “Ich haop det ich d’n optoch hiejmei extra óngersjteun. Laot gaon dae wage!”

De nieje opsjtaeker is op 11 fibberwari te koup tiedes de hoes-aan-hoes verkoup van ‘De Draaksjtaeker’.