DAAGBOOK VAN DE NIEJE PRINS

Leef daagbook,

Hoe zalle veur ens  mit beginne? Veurig jaor rondj deze tieëd vroog ich aan Sinterklaos, unne Vastelaovend om noeëjts mieër te vergaete. Nou det is um waal gelök. Al waas ut neet gans de meneer wie ich bedoeld haaj.
Wat os betref kòs ‘t beginne.

Precies op ut moment det veur der hieëlemaol klaor veur ware, krege veur te hueëre det ozze Vastelaovend neet door kòs gaon. Dit veel efkes zjwaor en rauw op os daak, mer ja wat kòste veur hiej aan doon? Veur motte gewuen nach ein jaor wachte.

En opins, un waek veurdet ozze Vastelaovend zou beginne, kwaam ut berich det alle seine op greun sjtinge en veur alsnog (al waas ‘t op ein aangepaste meneer) toch gewuen Vastelaovend koste gaon vieren.

’T Waas, ondanks alles, unne Vastelaovend om noeëjts te vergaete!

Van aaje rituele toet aan ein aantal nieëje ideeje die ontsjtinge, alles waerde oeët de kast getrokke. Van ‘t waal bekende vrouwluuj kiene toet aan ‘t kleinste kefee, de allerieërste kieëte-tocht, ut waas der allemaol en veur hubbe gefieës toet ut lètste moment.
’t zjwiege, en os sjtil haaje, waar aaf en toe get lastig mit die daag, mer gelökkig waal te doon. Hiejbiej haaj ich goej hulp van miene adjudant. Dae adjudant van mich vonj ut hieëlemaol neet zo erg, noe koste veur der gewuun nog ein jaor van geniete.

Ongertösse un jaor verder hubbe veur aafsjied  motte nimme van Mazes Mina. Die sjoeën joekskapel die zich elk jaor weer van häöre beste kantj leet zeen tiedes de Vastelaovend in Beesel. Helaas is det vanaaf noe aafgeloupe. Veur haope det ze geneete van hun muzikaal pensioen en as zie zich tiedens de kommende vastelaovend vervaele zien ze natuurlijk altieëd welkom in os sjoeëne drakedörpke.

Veur zien alweer begòs mit alle nieëje liedjes oet ut köpke te lieëre en langzaam toe te werke nao ut kommende Vastelaovesseizoen.

Ich haop det ich der het kòmmende jaor, same mit miene adjudant, jeugprins raod van 11, jeugraod, Bachus en boerebroedspaar eine fantastische Vastelaovend van kin gaon maken.

Toet snel! Alaaf.

DrakePrins 2023

DeIl dit berich

Share on facebook
Share on twitter
Share on linkedin
Share on pinterest
Share on print
Share on email