In ’t biezien van alle kinjer van basissjoeël ’t Sjpick is Rein I (Peeters) oetgerope as 67e veurgenger van de Beeselse Jeugdrake. De sjpanning waas óm te sjnieje wie de draak de Mert opgeloupe kwaam. En neet väöl later prizzenteerde vors Mark dao de kersverse jeugprins mit ziene adjudant Loek (Simons).

Óndanks det ’t nog neet gans ’n normaal vastelaovessezoeën is, gaon zie d’r veur de volle 200% veur ónger ’t motto: 

De 15-jäörige jeugprins Rein I zit op Broekhin in Remunj wao hae ‘t twieëtalig vwo in de derde klas volg. In ziene vrieje tied geit hae gaer nao Jong Nederlandj of geit d’r get doon mit zien vrunj. Ouch sjleit d’r nog ’ns gaer ’n belke oppe tennisbaan. 

Adjudant Loek, ein van de bèste vrunj van Rein, is 14 jaor en zit op 3 havo op Broekhin. Hae voetbalt bie Bieslo in team JO15, geit gaer vèsse en sjprik net as Rein gaer aaf mit zien vrunj. 

Kómmende zónjig 27 fibberwari is d’r ’n besjlaoete receptie bie de jeugprins thoeës veur de deur. Vereiniginge, femilie en vrunj óntvange hieveur ’n oetneudiging.