Belangrieke update Troubie’s Drake Quiz!

Veur zin óntzettend grueëts óm te melde det vriedigaovend mer leefs 103(!) koppels de sjtried aangaon! Det is toch waal ’n teiken det ouch deze thoesvastelaovend in Beesel laef. En det duit os éch good!

’n Paar belangriek puntje wille veur gaer nog effe mit uch doornumme:

  • De oetzending van vriedigaovend is vanwaege de aovendklok ieërder opgenaome
  • Omroop P&M zit op KPN kanaal 1353 en Ziggo kanaal 43, en neet 34 zoeë as op de flyer sjteit. 😉
  • De oetzending is ouch online te volge op http://omroeppenm.nl
  • Zónger dien unieke code, van de gekochte Quiz-Box, kèn se helaas neet mitdoon veur de prieze

Veur idderein dae ’n Quiz-Box haet gekoch: 

  • Geur óntvangt donderdig van de Troubadour ‘ne mail, controleer dus ouch de spambox
  • Pakkette kènne vriedig tösse 14.00 en 18.00 oer bie de Troubadour waere opgehaold
  • Op uch deilnamekaart mit dien persuuënlikke code, sjtaon links nao 6 versjillende online-antjwaordformuliere 
  • Zorg desse dees 6 online-antwaordformuliere klaor höbs sjtaon veurdet de quiz sjtart
  • Veur èlke rönj gebroekse dus ’n niej online-formulier. ’t Nummer van de betreffende rönj sjteit dudelik aangegaeve op de deilnamekaart én in de online-antjwaordformuliere. Controleer det dus good!
  • Stuur dien antjwaorde van èlke rönj zoeë sjnel meugelik in. Bie gelieke sjtandj kieke veur nao de sjnelste inzending
  • Nao rönj 2 waere de antjwaorde gegaeve van rönj 1. Nao 3, die van 2, etc.
  • Geur óntvangt uch  antjwaorde op det moment ouch via de mail, controleer dus ouch de spambox

Prieze en oetsjlaag

  • De winnaar van iddere rönj krieg ‘ne pries
  • Van alle 6 rönj biejein, kriege de nummer 1 t/m 5 ‘ne pries. En de nummer 1 is natuurlik dé winnaar van Troubie’s Drake Quiz!
  • Allein nao rönj 3 publicere veur op Facebook en de site ‘ne tössestandj
  • Zaoterdigmorge make Rob en Mark op Facebook en oppe site bekènd waem alle winnaars zien
  • Zaoterdigmiddig geit Rob alle winnaars langs veur ’t oetreike van de gewónne prieze.

Zoeë… Veur zin d’r klaor veur. Geur ouch?! Veur winse uch alvas hiel väöl plezeer mit de ieërste (en haopelik ouch lètste 😉 ) Troubie’s Drake Quiz!

DeIl dit berich