Laot zeen des doe dé vastelaovesvierder van Beesel bös!

Op vastelaovesvriedig, 12 fibberwari, kènt geur allemaol LIVE op tv kieke én thoes mitdoon aan de Troubie’s Drake Quiz! Vanaaf 20.00 oer waert op ómroop P&M (Ziggo kanaal 43 of www.omroeppenm.nl) ‘n leuke en sjpannende vasteloavesquiz oetgezónje veur de ganse femilie!

Kieke is leuk, maar mitdoon is sjoeënder!
De quiz is veur idderein te bekieke, mer ‘t waert natuurlik pas ech sjiek as alle Drake en Drakinne (online) mitdoon! Waem wèt ’t meiste van vastelaovend in Beesel en moog zich de winnaar numme van de Troubie’s Drake Quiz?! Doot mit en maak kans op leuke prieze! 

Om mit te dinge veur de prieze besjtèl se ‘n quiz-box (veur 2 persoeëne) bie de Troubadour. Veur € 32,50 kriesse ‘n good gevöld pakket mit lekkere (speciaal)biertjes en/of wien, mit daobie van alles óm te borrele zoeëas kieës, diverse Italiaanse vleisware, broeëd en sjmaersels, rauwkós en dips. En… ’t belangriekste: ‘n deil­nameformulier veur de Troubie’s Drake Quiz!

Laot zeen des doe dé vastelaovesvierder van Beesel bös en doot mit op vriedig 12 fibberwari óm 20.00 oer op ómroop P&M.

Wie doon ich mit?
Sj­tuur veur dinsdig 9 fibberwari 20.00 oer ‘n appje nao 06 555 539 93. Vermeld hiejin dudelik diene naam, welk pakket (saort specialbeer/wien), ‘t aantal persoeëne en dien e-mailadres. Det is belangriek óm dich ‘ne link te kènne sjture óm online mit te doon en live in de oetzending te kómme! Doe óntvangs vanzelf ‘n tikkie óm te betale. Dien pakket, mit dao in ouch ‘t deilnameformulier, kènse aafhaole op vriedig 12 fibberwari tösse 14.00 en 17.00 oer bie de Troubadour. Den höbse nog tied zat óm de drenkskes kaad te ligke.

Details 
In de quiz-box zit:
– (‘ne link nao) ‘t antjwaordformulier én Teams-meeting
– 6 speciaalbiertjes / of 2 flesse wien / of 3 speciaalbiertjes en 1 fles wien
– diverse lekkere biepassende borrelhapjes

Keuze drenkskes per persoeën:
– 3 fleskes dónker/amberkleurig beer
– 3 fleskes leech/blóndj beer
– 3 fleskes fruitbeer
– 1 fles wien (wit, roeëd of rosé)

n Alcoholvrieje quiz-box is ouch meugelik.
Aan persoeëne ónger de 18 jaor verkoupe veur gènne alcohol!

Extra veur de kids
‘n Kids-quiz-box à € 5,- per persoeën bevat:
– 2 fleskes 7Up, appelsap, cola zero of green tea
– böske Pringles
– drakesjpek!

DeIl dit berich

Share on facebook
Share on google
Share on twitter
Share on linkedin
Share on pinterest
Share on print
Share on email