Ontwerp de nieje prinsewage!

Same mit de Club van 50 (‘ne groep miense die de Beeselse vastelaovend ’n werm hert toedrage) wilt CV de Drake ‘ne nieje prinsewage realisere. En dao höbbe veur dien hulp bie nuuëdig! Veur vraoge alle Beeselse Drake, van jónk toet aad, óm ‘ns nao te dinke euver ’t ontwerp. Wie zooj volges dich de nieje prinsewage oet motte zeen?

Dien ontwerp door de sjtraote van Beesel?
Jaozeker! Dien ontwerp kèn zoeëmer volgend jaor door de sjtraote van Beesel trèkke! Knutsel, teiken, knip, plek, bouw of photoshop diene wage en lever
’t ontwerp oeterlik vriedig 1 mieërt (de vriedig veur de vastelaovend) in bie ózze veurzitter Marcel Aspers, Bovenste Solbergweg 4 in Beesel. ’t Kèn natuurlik waal zien det ’t winnende ontwerp get mot waere aangepas óm ’t ouch ech te kènne realisere.

Wao mosse waal effe aan dinke?

  • De prins mot natuurlik good te zeen zien! 
  • D’r mot plaats zien veur de Raod van Ellef
  • Ós ‘hoeësdier’, de Beeselse draak, mot natuurlik ouch mit kènne
  • Zorg det dien ontwerp is veurzeen van naam, adresgegaeves en tillefoonnummer

Verder laote veur dien creativiteit gaer de vrieje loup!

Jurering en bekèndmaking
Op vastelaoveszaoterdig kump de jury, die besjteit oet leje van CV de Drake én leje van de Club van 50, biejein óm alle ontwerpe te beoordeile. Op vaste­laovesdinsdig waert geliek nao de optoch, op de Mert, ’t winnende ontwerp bekènd gemaak!

Succes!

DeIl dit berich

Share on facebook
Share on google
Share on twitter
Share on linkedin
Share on pinterest
Share on print
Share on email