Boerebroedspaar: Twan en Ellen (Haenen-Heijnen)

Vanmiddig is op ’t Boerebal ’t ieërste boere­broedspaar nieje sjtiel oetgerope! Deze vastelaovend gaon Twan en Ellen Haenen-Heijnen veurop as boere­broedspaar! Mit optraejes van Henk en Ton (Janse Bagge Bend) en duo Gin & Tonic ging ’t daak d’r aaf bie de Troubadour tiedes deze gezellige middig.

Foto: John Simons

De trouwerie vinjt op vastelaoveszónjig plaats bie de Maashof. Óm 14.30 oer waert in combinatie mit de BBBBB van Mazes Mina aafgetrap. Behalve van de trouwerie, kènt geur ouch genete van ’n optraeje van La Bamba en wederóm van ’t duo Gin & Tonic. Natuurlik is d’r ouch gelegenheid óm ’t broedspaar Twan en Ellen – die in ’t echte laeve aafgeloupe jaor ouch ‘veur ’t ech’ zin getrouwd – te felicitere.

Veur nuuëdige idderein van herte oet oppe broelof en d’r same mit ’t boeregezelsjap ‘ne sjoeëne vastelaovend van te make. Laot uch verrasse door waat de organisatie nag mier veur uch in petto haet!

DeIl dit berich